Liebs Tagebuech, was für nes Affetheater!
Yaaaaaay, mir hei der Versteineret Fründ vo mine neue Fründe chönne entsteinere! I ha ja nid dra gloubt, dasses mit dem Trank klappt (aber, psssht, lieber nid säge). Hihihi, der aut Brenegar isch luschtig und HUCH sini hut isch plötzlech zu erde worde! D Gruppe ungerhautet sech chli mit dem aute Zwärg. I haute lieber biz respektvolle Abstand, dä kennt mi ja gar nid.
So! Und was mache mer iz?
Dä Brenegar Typ schint mer chli verwirrt z si mängisch… chli aut und tatterig. Offebar ischer 3-4 Zehntachs e Stei gsi, herte Bursch (höhöhö). Iz rede si grad drüber, dass dä bös Steimönsch Marlos Urnrayle e mächtige Hammer het gha. Und iz hei mir dä! Juuhuu tolli Artefakt!
Der Martin isch immer no sehr passiv. Dä arm tuet mir so fescht leid. Aber er schint ämu üsserlech nid z lide. Immerhin :)
Mir diskutiere immer no drüber, was mir iz wei mache.
WOOAH, Der Brenegar isch 343 Jahr aut!!!!
Thomas und Wellby Greenbottle wärde langsam chli närföös und wei los gah. Der chli Erbin wott aber nid mitcho. Er geit nach Riverguard Keep chli ga umespionisierere.
Mir gö stattdesse no chli witer abe! YAAY, meh Abetüür mit Fründe!
Es isch e gruseligrusligi stäge id duuuuunkuheit. Zum Glück chani glich biz gseh.
Mir tuschle aui chlei. Es isch aues chli gruslig hie :(
Unge acho hets 2 Türene. Der Welby lost a eire Türe und ghört aber nüd. Thomas lost ar angere Türe. Er ghört o nüd.
Mir göh dür di einti Tür wo e grummlige Zwärge Chopf druf isch. Puh, da hets e Sakrophag dinne. Offebar vom ne autehrwürdige Zwärg, seit ämu der Brenegar. Es paari vo üs tüe chli dem Zwärg gedenke und när füehle mir üs grad besser! I gloub da isch e Zouberli Zouber derhinger. (nnnnnnnnnnnice)
Es het 2 Stimme hinger ere Türe im nächste Gang. Der Welby faht afa e Zouber zoubere. Es het aber ono e angere Wäg. Es paari göh mau dert ga gücksle: si hei dert sone Piuzlihöli gfunge.
Der Welby het si zouber gloub fertig. Er gseht dert dinne 2 gruuuusigi Hüguhüüne!
Der Brenegar het vorgschlage de Riese der Martin z gäh. Sooo gemein! Sicher nid! Iz fingi dä chli doof dä Brenegar Typ. Oh oh, die 2 Riese föh afa strite. Der Welby macht e Illusion und seit uf Riiesisch "I bringe di um" und när föh die 2 würk richtig afah schleglisiere!
Mir hei üs iz aui mega heimlech verbigschlichelet. Aber när het der Rhogar Daarendrian no giiierig nachemne Kristau griffe. Und iz heisine verwütscht!! Da wird iz kämpft, päm päff!
Der Rohgar puuuschtet am einte ises-chäuti is gsicht nachdem näh der Ris het versuecht usenang z risse.
Der riis rütscht ufem Iis us und gheit um! Bum.
Iz bi ig dran! SO. Iz gits ufs bätzi! HA! Beidi bländet hani se, I bi scho chli toll :)
RUUUMS, der Ris rennt ine wang und när RUUUUUUUMS, der Ris schiesst es Bierfass ufe Thomas! (interessanterwis heter när nid mega angers aus vorher gschmöckt…)
Und när wi chönts angers si: der eint isch vom Thomas verpänglisiert worde. PÄPÄPÄPÄPÄPÄPÄPPÄM, Schwabbeldischwabbel, tot.
Und o der zwöti isch vom Thomas verpänglisiert worde. PÄPÄPÄM Kopf Dislokalisziert! Tot!
Nachem Kampf tüe aui so chli der ruum aluege und mir entspanne üs biz.
BÄM, Brenegar het si hammer zersört bim Versuech e chli Kristall usezschlah. Hehe, echt "tiptop" gsi dä Schlag. Heter grad verdient nachdem er het wöue der Martin ofpere!
När simer de mau witer.
Im nächste Rum hets sone Kristalleni Figur, sii isch echt gruuuuuuusiig! Wääääääääääääääääääääh. WÄH!
I hanim mau is oug piekst, aber es isch nüd passiert. Aber het no gfägt! Aber o chli wäh.
Iz simer witer und da si paar Abyssal Sprächendi dudes womer hei wöu üs aschlieche. Aber mir si viu z lut gsi!
Iz wird geplänkerlet!
Uiuiuiui, es sie 3 Minotaure! Eine het versterchig ghout Und die angere heimer eifach verschutet!
Man, iz chöme da no meh, si schreie mega hinge usem Gang. Da gömer hurti id "Sicherheit" zum Tentakelmonsterstatuesiech. (Wäh)
Thomas eröffnisiert der Kampf und zinggiert! Scho wieder drüü Minotaure! I ha chli is Gsicht becho. I denke I mues mi säuber verwandle, ds hani scho immer mau wöue!!
Auso los geiz!
UUUH uH uHUUHU A A AH AHH UH AH! (Der Kampf isch hert, und es git ab und zue so blubbers)
Uuh Ah Ah, UUUUUH Uh Ah AH AH AhH (Zäg bäm d Affe rume uf!)
Aah Ah Uh Uh Uh Uh Ah Ah AH. (Mir hei leider e Aff verlore, aber der Kampf gäge d Scherginis vo Imix heimer gschafft!)
Aah Ah Uh Uh Uh Uh Ah Ah AH. (Aber es si o paar bösi bösi bösi Mönsche vo Aerisi Kalinoth cho und iz müesse mer no gäg die Kämpfe)
Aah Ah Uh Uh Uh Uh Ah Ah AH. (Es si ECHT VIU, und mir hei aui chli Angscht!)
Aah Ah Uh Uh Uh Uh Ah Ah AH. (Derwile beschäftige I mi recht dermit Platz z schaffe ir wang dassi düre ma!)
Es isch sowit: mir ergrife d Flucht. Es het mi sowieso ent-Afft. Da bini grad chli weniger muetig aus vorher …
Es isch e herti Verfougigsjagd, aber aui gäbe ihres Beste, um üs irgendwie guet us dere Höhli z lotse beziehigswis üsi Verfouger z verlangsame. Die einte erfougricher aus die angere. Und so heimers ämu gschaft und sie üsne Verfouger entwischt.