Tagebuech, e witere tag
Liebs Tagebuech. Uf der Strass nach Beliard träffe mer mega viu Mönsche. Aui flüchte vo Beliard und si rede komischs Züg vo Dämoninne und der Alte Mueter Efa oder so. Und der Geisterdrache!! (uuuh). HAHA, ha hurti a di luschtigi Halblingfamilie müesse dänke, d GnilfS!! (hihihi). Di Mueter efa schint chli e Schutzpatronin vo Beliard (gsi) z si. Und iz isch si offebar wäg (futsch). Si isch wou mau nördlech vo Beliard im Waud daheime gsi. (Waud isch no es luschtigs wort. WAUD Hmm aber isch luschtiger wemes seit aus wemes schribt). D Lüt hei recht der Drang üs aues z verzeue. Offebar isch Red Larch vo Bandite plünderet worde (hey, fiiiiies). Westbridge isch wou o niderbrönnt worde. Barbare und Hauborks und Bandite und aues söu sech iz da umetribe. Sones gsocks, gruuusig!
Tagebuch, paar Täg spätuur
Liebs Tagebuech. Mir si in Beliard acho, yaaaaay! Es herrscht es mega emsigs tribe. Aui Lüt versueche no z ernte, was z ernte isch. Si verbarrikadiere ihri hüser, überau loufe lüt ume. Aues chli wi-wa-wuselig. Mir gseh es paar Flagge vo Saruman oder so hei die angere gseit, da gömer! Mir träffe der Lukas! Het no hübschigi Ouge, aber isch scho chli aut. D Ritter vom Samichlous wei bir Schlacht vor Steibrüg gäge d Bandite schleglisiere (bum paff, pschhiiu). Villech sötti ihne häufe mit mine neue FRÜNDE!! Der Lukas gloubt a di auti Mama Efa. Villech gits die würk! Der Lukas schint ämu no e gschidige gschidling z si. Aute… dä komisch Mrog Typ louft eifach wäg, chnöilet häre und schlaht sech is gsicht. Irgendwie tueter gloub bätte eso (sone unghüüürige). Iz simer ufem grosse Platz vorem wache Ritter. DA isches de ersch wi-wa-wuselig du. Mi grooos Barbarefründ und d Tierfrou hei mer verzeut si sige mit ganz ganz viu chline schnüsige Gnome ga rede im Wache Ritter. Di hei ds gmietet. Si nenne sech gloub… vergässe. Aber i wüsst e bessere Name: die tolle technische Terminatore vor totale Treffsicherheit (man! i bi guet i so Züg!). Viu wichtiger isch auerdings, dass ig ha chönne Schläckzüg choufe (mmmhh).
Der Wellby Greenbottle het es meeeegaaa kuls (ds wort hani erfunde. Ds heisst so öpis wie toll, aber besser! Kul haut) lied gspiut, aui si begeisteret, juuuhuuuii, tüdlüdlüü. I ha am Mrog mini Zuckerstange gschänkt. Er fingt derzue: "bluet guet" (immer no sone unghüüürige). Mir verbringe der abe chli verteilt. I trinke eis mitem chline. Hicks
När simer zur Burg no chli mitem Lukas ga plöiderle. Är het schins süessi Schäfli, aber er wot nid dermit userücke wo si si. U när heter vore Tür (er spricht Tür aber chli komisch us) verzeut aus wärs e Gott! Dä typ redt chli in Rätsu mire Meinig nach. Aber egau, mir hei ämu es Zäut becho zum schlafe. Di angere hei no chli über morn gredt, aber i ha nid so guet zueglost. Haute mini Ouge offe nach de Schäfli. I bi mitem Welby no zu de Gnome gange und ha versuecht der Kapitän z überzüge am Alrik z häufe d Verteidigung vo Beliard z organisiere. Er überleit sechs, isch aber no nid überzügt. Er wott gäud (sone giierige).
När simer ämu mau ga lige. (ZzZ)
Und plötzlech ir Nacht: TÜÜÜDÜÜÜÜÜÜÜ. ALARMHORNISIERIG. Uiuiui iz geits los. Es het e huufe gfürchigi Halb-Orks ufem grosse Platz. Der Mrog red mit dene. Halb-Orks si FRÜÜÜNDE!!! YAY
Mir gönnisiere üs aui no es schlüdi Bier (gorps, ups). Der Welby und ig hei iz mitem Argument vor nöie Konkurrenz im Dorf gloub der Kapitän chönne überzüge! (mir si so guet!) Der Mrog "ungerhautet" sech mitem Halb-Ork Chef no chli über d Verteidigung vo Beliard (si rede wi söi, hihi) U när u när het o d Thea mit ihne gredt. So über grüeni sache. Weiss nur, dass d Mutter Eva (Mutter Iviea) isch d fründin vom Baum von Echrach (im Norde) und der Gorlak ghört zur Emerald Enclave.
När simer wieder ga lige. (zZz)
Tagebuech
I ha nid chönne schlafe. D Stimme si wieder cho, nume lislig, aber si si da gsi.
Der Mrog hautet wache ufem Turm am Morge.
Der Brynjar Hornraven versuecht Derserteure ufzhaute. Und schaffts.
D Gfährte besrpäche, wie si wie witermache und plane när d Verbarrikadierig vo Beliard.
Am haubi zwöufi überzügt der Welby der Alrik, dass er a sich und sini Fähigkeite gloubt und d Verteidigung vo dere Stadt leitet.
Der Mrog überzügt d Halb-Orcs, mit üs zur Brüg z cho.
Plötzlech chunt e chline Giu z seckle und seit mir söue schnäu zum Turm cho, d Kommandantin sigi wieder da.
Womer bim Lukas und bir Burg si gsehmer sone lächerleche Soudat, er gseht nid gsung us. Er redt mitem Lukas.
Der Welby heilt ne chli.
Der lächerlech Soudat verzeut, dass aues verlore sigi.
I briche zäme und gseh schwarzi Geister wo um d Liche vor Kommandantin ufem Ross schwirre. Wieso, es isch aues so guet gsi die letschte Täg. Wieso sisi wieder da?
Der Mrog zouberet öpis und gspürt di böse Geister u när heter se verschücht.
Di Dämonin ufem riesige brönnende Ungetüm gits würk, si isch schön und schrecklech und het füürspeiendi hüng, und goblins, und oger, und aues böses.
Der Mrog geit ufe Turm und luegt i Weste. Er gseht er rötleche Schin und Rouch.
I hami wieder chönne fasse und mir wei iz gäge z böse Kämpfe! Yaay. Z Dorf het sech ämu ganz guet vorbereitet und mir hei üs im Awäse verschanzt. Mir gseh die erste hüng vode böse am Horizont. Di gseh echt fies us. Iz geiz gloub de grad ad seck. Huiuiui. Es chöme immer meh bösi sache uf Beliard zue. E grosse brönnende Strohma chunt o. Uf ihm ritet sone luti frou wo üs amööged. (vou müehsam, aber no poetisch)
Si bietet üs ah ufzgäh. (hihihi, aus würd Beliard ufgäh!)
Säubstverständlech schwige mir. Und steue üs däm üble, fiese, grusige und … und .. BLÖDE Ungetüm! Jawoll!
ROLL INITIATIVE, BTCH
Unsere tapferen Helden wollten dem Feind auflauern, aber es dauerte dem einen oder der anderen einfach zu lang. Und so stürzten sie sich etwas unkoordiniert in die Schlacht und sind auf beiden Seiten ums Haus gerannt. Oder sie sind im Haus geblieben. Oder übers Haus gerannt. Wie gesagt, eher unkoordiniert!
Der langen rede kurzer Sinn: Der Kampf konntet gewonnen werden, doch Enna wurde schwer verletzt. Zum Glück sind des kleinen Musikers Klänge dermassen aufmunternd, dass sie Enna das pure Leben in den Körper einflössen konnten.
Derweilen tobt die Schlacht um Beliard weiter. Gnome, Oger, Zwerge, Knappen, Orcs, Bauern, Ritter, Höllenhunde! Was für ein Schlamassel. Können unsere Helden Beliard überhaupt noch retten?